​Was isch d IG WuF???
(Interässensgmainschaft "Wild und Frei")
​
D IG WuF isch en Aalaufschtell fir ally und alles Wilde an dr Basler Fasnacht. Ohny Verpflichtige!!
...Aber zem dr fasnächtlig Ussdusch z pflääge.
(usser De gheersch zu de Plattform-Organysatoore...denn muesch e weeneli meeh an d Segg!)
Details:
D IG WuF isch defynytyyv kai neiyi Schnitzelbangg-Organisatioon,sondern bystoht scho syt Joore!
D IG WuF isch e Dehaim fir wildi und freiyi Bängg. Au Formatione andrer Art sinn bi uns willkomme.
​
ABER AU:
Organysierti Bängg, wo aifach dr Plausch hän, sich au mit de "Wilde" kenne ussztusche.
UND: Wildi Fasnachtsainhaite uss allne Schparte.
​
Zer Haimsytte (Houmpeitsch):
"Me" kha sich doo informiere, was wo lauft an dr Basler Fasnacht und unterem Joor.
"Me" kha mit ere Aafroog an d IG WuF Zuegang bykho zu Lokal, wome sunscht nid yynekunnt.
​
"Me" kha als WuFler am Schlussoobe vo dr IG WuF dailnäh.... (Aafroog via Kontaggtformular uf däre Houmepeitsch)
​
D Organysatoore vo dr IG WuF sin alles gschtandeny Fasnächtler.
ABER: Glaub mr s - mr bysse niemer!
​
Aareegige und Aafrooge
Allfälligi Aareegige und Aafrooge darfsch gärn via Kontaggtformular aabringe! Mir bemiehen ys schnällschtmeeglig z Antworte
​
Nääbebyy:
D IG WuF bietet allne wilde Bänggler e freywilligs Coaching aa.
Wäägeler und Grippli finde doo au Zeedeldichter.
D IG WuF bemieht sich drum, zu de andere Organisatioone e guet Yyvernämme z haa
und entsprächend au 'Wärbyg' fir die Verain z mache... Ganz noonem Motto: Zämme simmer schtargg!
​
Dass die IG-Plattform muess unterhalte wärde, isch jo klar.
Drum gits au e 'harte Kärn' vo WuFler...(unorganysierte Organisatoore)....ally mit ere Funktioon! (Wytters bym Lingg "Iber uns")
By dääne Lyt bykunnsch au allewyl Usskunft driber, was grad in dr WuF-Szene lauft in unserer Schtadt am Rhyy.
​
​E Zeedeldichter-Sytte
unter däm Link het e Magnolius Tirggehoonyg e Sytte uffgschalte, wo fir WuFler interessant kennt sy.